കാസര്‍കോട്‌: പ്രകാശത്തിന്‍മേല്‍ പ്രകാശം എന്ന പ്രമേയവുമായി എസ്‌.കെ.എസ്‌.എസ്‌.എഫ്‌. കാസര്‍കോട്‌ ജില്ലാ കമ്മിറ്റി സംഘടിപ്പിക്കുന്ന നബിദിന കാമ്പയിന്റെ ഭാഗമായി അബ്‌ദുസമദ്‌ സമദാനിയുടെ മദ്‌ഹുറസൂല്‍ പ്രഭാഷണവും സി.എം. അബ്‌ദുല്ല മൗലവി അനുസ്‌മരണവും ഫെബ്രുവരി 26 ന്‌ കാസര്‍കോട്‌ ടൗണ്‍ ഹാളില്‍ നടക്കും. രാവിലെ പത്ത്‌ മണിക്ക്‌ നടക്കുന്ന ഉദ്‌ഘാടന സമ്മേളനത്തില്‍ പാണക്കാട്‌ സയ്യിദ്‌ ഹൈദരലി ശിഹാബ്‌ തങ്ങള്‍, സയ്യിദ്‌ ജിഫ്‌രി മുത്തുക്കോയ തങ്ങള്‍,ഖാസി ടി.കെ.എം.ബാവ മുസ്‌ല്യാര്‍, എം.ടി.അബ്‌ദുല്ല മുസ്‌ല്യാര്‍, പ്രൊഫ.ആലിക്കുട്ടി മുസ്‌ല്യാര്‍, കോട്ടുമല ബാപ്പു മുസ്‌ല്യാര്‍, ഖാസി ത്വാഖ അഹമ്മദ്‌ മൗലവി, യു.എം.അബ്‌ദുല്‍ റഹ്‌മാന്‍ മൗലവി, റഹ്‌മത്തുള്ള ഖാസിമി മുത്തേടം, നാസര്‍ ഫൈസി കൂടത്തായി, എം.എ. ഖാസിം മുസ്‌ല്യാര്‍, ചെര്‍ക്കളം അബ്‌ദുള്ള, സി.ടി.അഹമ്മദലി എം.എല്‍.എ, സയ്യിദ്‌ സൈനുല്‍ ആബിദീന്‍ തങ്ങള്‍, സയ്യിദ്‌ കെ.എസ്‌.അലി തങ്ങള്‍ കുമ്പോല്‍, ടി.കെ. പൂക്കോയ തങ്ങള്‍ചന്തേര, മെട്രോ മുഹമ്മദ്‌ ഹാജി, സി.കെ.കെ. മാണിയൂര്‍, ഖത്തര്‍ ഇബ്രാഹിം ഹാജി കളനാട്‌ സംബന്ധിക്കും. പ്രവാചക കാരുണ്യവും സമകാലക ലോകവും എന്ന വിഷയത്തെകുറിച്ച്‌ ജില്ലാ കമ്മിറ്റി പ്രബന്ധ മത്സരങ്ങള്‍ സംഘടിപ്പിക്കും. പ്രബന്ധം തയ്യാറാക്കി ഫെബ്രുവരി 27 ന്‌ മുമ്പ്‌ മേഖല ജനറല്‍ സെക്രട്ടറിക്ക്‌ എത്തിക്കണം.
No comments:
Post a Comment