Wednesday, May 25, 2011
റിയാദ് ഇസ്ലാമിക് സെന്റര്: വിദ്യാര്ത്ഥി ഫെസ്റ്റ്
റിയാദ് ഇസ്ലാമിക് സെന്റര് നടത്തുന്ന പ്രവാചകനെ അനുഗമിക്കുക; അഭിമാനിയാവുക എന്ന ത്രൈമാസ കാന്പയിന്റെ ഭാഗമായ വിദ്യാര്ത്ഥി ഫെസ്റ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
അബുട്ടി മാസ്റ്റര് ശിവപുരം അധ്യക്ഷത വഹിച്ചു. മുസ്ഥഫ ബാഖവി പെരുമുഖം, എന്.സി. മുഹമ്മദ് കണ്ണൂര്, സലീം വാഫി മുത്തേടം തുടങ്ങിയവര് പ്രസംഗിച്ചു. അബൂബക്കര് ഫൈസി ചെങ്ങമനാട്, അലവിക്കുട്ടി ഒളവട്ടൂര്, റസാഖ് വളകൈ തുടങ്ങിയവര് പങ്കെടുത്തു.
ഖിറാഅത്ത്, ഹിഫ്ള്, പ്രസംഗം, അറബി മലയാളം ഗാനം, ബാങ്ക് വിളി, പ്രബന്ധ രചന, മെമ്മറി ടെസ്റ്റ്, ക്വിസ്, വേഡ് പവര് ടെസ്റ്റ്, നഅ്ത്ത് , ദഫ് തുടങ്ങിയ ഇനങ്ങളില് സബ്ജൂനിയര്, ജൂനിയര്, സീനിയര് വിഭാഗങ്ങളിലായി നാലു സ്റ്റേജിലാണ് പ്രോഗ്രാം നടന്നത്.
മത്സര വിജയികള്ക്കുള്ള വിവിധ സമ്മാനങ്ങള് ജൂണ് രണ്ടിന് നടക്കുന്ന കാന്പയിന് സമാപന സമ്മേളനത്തില് വെച്ച് നല്കും. എം.ടി.പി. മുനീര് അസ്അദി പയ്യന്നൂര് സ്വാഗതവും സഈദ് ഓമാനൂര് നന്ദിയും പറഞ്ഞു.
എസ്.കെ.എസ്.എസ്.എഫ് കാസര്ഗോഡ് ജില്ല
27/05/2011 വെള്ളിയാഴ്ച്ച വൈകുന്നേരം 4 മണിക്ക് ദുബൈ സുന്നി സെന്ററില് വെച്ച് സംഘടിപ്പിക്കുന്ന പരിപാടിയില് പ്രമുഖ പ്രഭാഷകന് അഷ്റഫ് അഷ്റഫി പന്താവൂര് പ്രഭാഷണം നടത്തുന്നതാണ്.
കൂടുതല് വിവരങ്ങള്ക്ക്: 055 9256583, 055 1390735
കെ.വി.വി അബ്ദുള്ള വള്വക്കാട്
Saturday, May 21, 2011
ജില്ലാ സര്ഗലയം 2011
ആറ് മദ്റസകള്ക്കു അംഗീകാരം
Wednesday, May 18, 2011
മുനവ്വിര്: രക്ഷിതാക്കള്ക്ക് പഠന ക്ലാസ്സ് ഇന്ന്
മെയ് 18 ബുധനാഴ്ച വൈകീട്ട് 7 മണിക്ക്
ത്രിക്കരിപ്പൂര് മുനവ്വിര് മദ്രസ്സയില് വെച്ച്
രക്ഷിതാക്കള്ക്കായി പഠന ക്ലാസ്സ് നടത്തുന്നു.
കുടുംബം, മക്കളുടെ വിദ്യാഭ്യാസം എന്നീ വിഷയങ്ങളിലാണ് പഠന ക്ലാസ്സ് നടത്തുന്നത്.
ചടങ്ങില് വെച്ച് ശാഖാ കമ്മിറ്റി നടത്തിയ വീഡിയോ വിഷ്വല് എക്സാം വിജയികളെ പ്രഖ്യാപിക്കുമെന്ന് ഭാരവാഹികള് അറിയിച്ചു.
Thursday, May 12, 2011
Sunday, May 8, 2011
ദാറുല് ഹുദാ ഇസ്ലാമിക് യൂനിവേഴ്സിറ്റി സില്വര് ജൂബിലി സമാപനം
Wednesday, May 4, 2011
ശിഹാബ്് തങ്ങള് വിദ്യാഭ്യാസ സമുച്ചയത്തിന് പഞ്ചാബില് തറക്കല്ലിട്ടു
ശിലാസ്ഥാപനം സയ്യിദ് മുനവ്വറലി ശിഹാബ്തങ്ങള് നിര്വ്വഹിച്ചു. തെക്കന് പഞ്ചാബിലെ പിന്നാക്ക ജില്ലയായ മാന്സയില് കേരളമാതൃകയില് ഇസ്്ലാമിക മതശാസ്ത്ര പഠനങ്ങള്ക്ക് സൗകര്യമൊരുക്കുന്നതിനാണ് ശിഹാബ് തങ്ങള് സമുച്ചയം ലക്ഷ്യമിടുന്നത്. മര്ഹൂം ശിഹാബ്് തങ്ങളുടെ നാമത്തില് കേരളത്തിന് പുറത്ത് ആരംഭിക്കുന്ന ഏറ്റവുംവലിയ വിദ്യാഭ്യാസ കേന്ദ്രമാണിത്. പഞ്ചാബിനു പുറമെ അയല് സംസ്ഥാനങ്ങളിലും വിദ്യാഭ്യാസ നവോത്ഥാനത്തിന് ഈ കേന്ദ്രം വഴിയൊരുക്കും.
വിദ്യാഭ്യാസത്തിന് മതമെന്നും മതേതരമെന്നും വേര്തിരിവില്ലെന്നും എല്ലാതരം വിദ്യാഭ്യാസത്തെയും സ്വീകരിക്കാനും അവയെ ലോക നന്മക്ക് ഉപയോഗപ്പെടുത്താനും ശ്രമിക്കുകയാണു വേണ്ടതെന്നും വിദ്യാഭ്യാസകേന്ദ്രത്തിന്റെ ഉദ്ഘാടനത്തോടനുബന്ധിച്ചു നടന്ന പൊതുസമ്മേളനത്തില് സംസാരിക്കവെ മുനവ്വറലി തങ്ങള് അഭിപ്രായപ്പെട്ടു. അറിവിനു ആഹ്വാനം ചെയ്ത് അവതരിച്ച ഖുര്ആന് പാരിസ്ഥിതിക സന്തുലനത്തിനും ലോകസമാധാനത്തിനും അടിത്തറ പാകുന്ന വികസന സങ്കല്പമാണ് മുന്നോട്ടു വെച്ചിട്ടുള്ളതെന്നും അതു യാഥാര്ത്ഥ്യമാക്കാന് മുസ്്ലിം ഗവേഷകരുടെയും രാഷ്ട്ര നേതാക്കന്മാരുടെയും ശ്രമങ്ങളുണ്ടാവണമെന്നും അദ്ദേഹം പറഞ്ഞു.
സ്ഥാപനത്തോടു ചേര്ന്ന് ആരംഭിക്കുന്ന ഹസ്്റത് ഫാത്വിമ മസ്്്ജിദിന്റെ ശിലാസ്ഥാപനകര്മ്മവും തങ്ങള് നിര്വ്വഹിച്ചു. കേരളത്തിലെ മതവൈജ്ഞാനിക രംഗങ്ങളിലെ നിറസാന്നിദ്ധ്യമായ തങ്ങളെ അത്യാദരപൂര്വ്വമാണ് പഞ്ചാബിലെ സിക്കു സമുദായാംഗങ്ങളും മുസ്്്ലിം ഹൈന്ദവ വിഭാഗങ്ങളുമുള്പ്പെടെയുളള ആയിരക്കണക്കിനു പേരടങ്ങുന്ന വമ്പിച്ച ജനാവലി സ്വീകരിച്ചത്. വിഭജനം ദുരന്തം വിതച്ച മാന്സ പ്രദേശത്തിന്റെ വികസനത്തില് ഈ വിദ്യാകേന്ദ്രം വലിയ സംഭാവനകളര്പ്പിക്കുമെന്നു പ്രതീക്ഷയുളളതായും ഉത്തരേന്ത്യന് സംസ്ഥാനങ്ങളില് കാണപ്പെടാത്ത ജനകീയ താല്പര്യമാണ് പ്രദേശത്തു കാണാനായതെന്നും ഡല്ഹിയില് മാധ്യമപ്രവര്ത്തകരോടു സംസാരിക്കവെ മുനവ്വറലി തങ്ങള് പറഞ്ഞു.
പഞ്ചാബ് മുഫ്തി അഅ്സം മൗലാനാ മുഹമ്മദ് അതീഖുല് ഹസന് റസി കാന്ദഹ്്ലവി ചടങ്ങില് അദ്ധ്യക്ഷത വഹിച്ചു.സൈന് ഡയറക്ടര് റാശിദ് ഗസ്സാലി കുളവയല് മുഖ്യപ്രഭാഷണം നടത്തി. മുഫ്്തി മുഹമ്മദ് ഖലീല് സാഹിബ്, സി.പി കുഞ്ഞഹമ്മദ്, കുന്നത്ത് മുഹമ്മദ്, നാസര് കൂരിമണ്ണില്, അബ്ദുല്റഊഫ്, ശഹനാസ് തുടങ്ങിയ പ്രമുഖരും ചടങ്ങില് സന്നിഹിതരായിരുന്നു. മാന്സ ജില്ലയിലെ പൊലീസ് മേധാവികളും പൗരപ്രമുഖരും ചടങ്ങില് പങ്കെടുത്തു സംസാരിച്ചു.
അവലംബം: ചന്ദ്രിക ഡൈലി
Tuesday, May 3, 2011
അല് ഇത്തിഹാദുല് ആലമി ലി ഉലമാഇല് മുസ്ലിമീന്:ഡോ.ബഹാഉദ്ദീന് മുഹമ്മദ് നദ്വിക്ക് അംഗത്വം
ആഗോള മുസ്ലിം പണ്ഡിതന്മാരുടെ അന്താരാഷ്ട്ര പൊതു വേദിയായ അല് ഇത്തിഹാദുല് ആലമി ലി ഉലമാഇല് മുസ്ലിമീന് (ഇന്റര് നാഷണല് ഫെഡറേഷന് ഓഫ് മുസ്ലിം സ്കോളേഴ്സി)ല് ദാറുല് ഹുദാ ഇസ്ലാമിക് യൂണിവേഴ്സിറ്റി വൈസ് ചാന്സലറും സമസ്ത കേരള ജംഇയ്യത്തുല് മുഅല്ലിമീന് സംസ്ഥാന ജന.സെക്രട്ടറിയുമായ ഡോ.ബഹാഉദ്ദീന് മുഹമ്മദ് നദ്വിക്ക് അംഗത്വം നല്കിയതായി സെക്രട്ടറി ജനറല് ഡോ.അലി മുഹ്യുദ്ദീന് അല് ഖറദാഗി അറിയിച്ചു. കഴിഞ്ഞ ദിവസം ദോഹയിലെ ആസ്ഥാനത്ത് ചേര്ന്ന ഫെഡറേഷന്റെ എക്സിക്യൂട്ടീവ് യോഗത്തിന് ശേഷം ഖത്തര് ഹാദിയ ചാപ്റ്റര് നേതാക്കളായ ഹാഫിള് ഇസ്മാഈല് ഹുദവി, മജീദ് ഹുദവി പുതുപ്പറമ്പ്, ഫൈസല് ഹുദവി പട്ടാമ്പി എന്നിവരുമായി പ്രശസ്ത പണ്ഡിതനും നിരവധി ഗ്രന്ഥങ്ങളുടെ കര്ത്താവും കൂടിയായ ഡോ.അലി മുഹ്യിദ്ദീന് നടത്തിയ സംഭാഷണത്തിലാണ് ബഹാഉദ്ദീന് നദ്വിക്ക് മെമ്പര്ഷിപ്പ് നല്കിയ കാര്യം വ്യക്തമാക്കിയത്. പണ്ഡിതോചിതമായ സാമുദായിക ബാധ്യതകള് നിര്വഹിക്കുക, ആവശ്യാനുസൃതമായ മറ്റു ബഹുമുഖ പ്രവര്ത്തനങ്ങള് സംഘടിപ്പിക്കുക, ധിഷണാശാലികളായ പണ്ഡിതരെ ഒരു പ്ലാറ്റ് ഫോമില് അണി നിരത്തുക തുടങ്ങിയ ലക്ഷ്യങ്ങള് മുന്നില് കണ്ട് രൂപീകൃതമായ ഈ സംഘടനക്ക് യു.കെയിലെ ഡബ്ളിനിലും ഈജിപ്ത്, ഖത്തര് എന്നിവിടങ്ങളിലും ആസ്ഥാനങ്ങളുണ്ട്. ലോകത്തിന്റെ വിവിധ ഭാഗങ്ങളിലുള്ള വ്യത്യസ്ഥ മദ്ഹബുകാരും ചിന്താഗതിക്കാരുമായ പ്രഗത്ഭ പണ്ഡിത ശ്രേഷ്ഠര് ഇതില് അംഗങ്ങളാണ്. അന്താരാഷ്ട്ര തലത്തിലുള്ള നിരവധി അംഗീകാരങ്ങള് തേടിയെത്തിയ ഡോ.ബഹാഉദ്ദീന് മുഹമ്മദ് നദ്വി ജാമിഅ നൂരിയ്യ, ദാറുല് ഉലൂം ലഖ്നൗ, അലിഗര് മുസ്ലിം യൂണിവേഴ്സിറ്റി, അല് അസ്ഹര് യൂണിവേഴ്സിറ്റി കൈറോ, എന്നിവിടങ്ങളില് പഠനം നടത്തിയിട്ടുണ്ട്. കാലിക്കറ്റ് സര്വകലാശാലയില് നിന്ന് പി.എച്ച്.ഡിയും പോസ്റ്റ് ഡോക്ടറല് ഫെലോഷിപ്പും നേടിയ ഇദ്ദേഹം 97ല് ദുബൈ ഗവണ്മെന്റിന്റെ ഹോളി ഖുര്ആന് അവാര്ഡ് പ്രഭാഷണ പരിപാടികളിലേക്ക് ക്ഷണിക്കപ്പെട്ടിരുന്നു. കുവൈത്തിന്റെ അല്മഹബ്ബ എക്സെലന്സി അവാര്ഡ്, ജൈഹൂന് ടി.വി അവാര്ഡ് എന്നിവയും നേടിയിട്ടുണ്ട്. അമേരിക്ക, ഇംഗ്ലണ്ട്, ജര്മനി, സ്വിറ്റ്സര്ലാന്ഡ്, ഫ്രാന്സ്, തുര്ക്കി, മലേഷ്യ തുടങ്ങി 30ഓളം രാജ്യങ്ങള് സന്ദര്ശിച്ചിട്ടുണ്ട്.