ത്രിക്കരിപ്പൂര്: ഇസ്ലാം മത പണ്ഡിത ശ്രേഷ്ടനായ സി.എം. ഉസ്താദ് ഒരിക്കലും ആത്മഹത്യ ചെയ്യില്ലെന്ന് സമസ്ത കണ്ണൂര് ജില്ലാ സെക്രട്ടറി മാണിയൂര് അഹമ്മദ് മൌലവി അഭിപ്രായപ്പെട്ടു. ഖാസി സി.എം. ഉസ്താദിന്റെ ഖാതകരെ പുറത്ത് കൊണ്ട് വരുന്നതിന് സി.ബി.ഐയുടെ സ്പെഷ്യല് വിംഗിനെ ഏല്പ്പിക്കണമെന്നാവശ്യപ്പെട്ട് എസ്.കെ.എസ്.എസ്.എഫ് ത്രിക്കരിപ്പൂര് പോസ്റ്റ് ഓഫീസിലേക്ക് നടത്തിയ മാര്ച്ച് ഉദ്ഘാടനം ചെയ്യുകയായിരുന്നു അദ്ദേഹം. ഇസ്ലാം മത വിശ്വാസിക്ക് ആത്മഹത്യ ചെയ്യല് മതപരമായ കാരണത്താല് തെറ്റാണ്. ഇത് നന്നായി അറിയാവുന്ന പണ്ഡിതനാണ് ഖാസിയെന്ന് മാണിയൂര് കൂട്ടിച്ചേര്ത്തു. മുനവ്വിറുല് ഇസ്ലാം മദ്രസ്സ പരിസരത്ത് നിന്നും ആരംഭിച്ച മാര്ച്ച് ടൌണ് ചുറ്റി പോസ്റ്റ് ഓഫീസ് പരിസരത്ത് എത്തിച്ചേര്ന്നു. നാഫി അസ്അദി അദ്ധ്യക്ഷ്യം വഹിച്ചു. കെ.ടി. അബ്ദുള്ള മൌലവി, സത്താര് ചന്തേര, സത്താര് വടക്കുമ്പാട്, താജുദ്ദീന് ദാരിമി പടന്ന, എം.ടി.പി. ഇസ്മായില് എന്നിവര് പ്രസംഗിച്ചു. ടി.കെ. പൂക്കോയ തങ്ങള് പ്രാര്ത്ഥന നടത്തി.
No comments:
Post a Comment