Tuesday, September 7, 2010
പുണ്യ റംസാനില് ഖുര്ആനിന്റെ ഈണങ്ങള് ശ്രവിക്കാനായി ടൌണ് പള്ളിയില് പുതിയ ശബ്ദ സംവിധാനം
ത്രിക്കരിപ്പൂര്: പുണ്യ റംസാനിന്റെ അവസാനത്തെ പത്തുകള്ക്ക് വിരാമമിടാന് ഏതാനും ദിവസങ്ങള് മാത്രം ബാക്കി നില്ക്കെ മസ്ജിദുകളില് വിശ്വാസികളുടെ തിരക്ക് അനുഭവപ്പെട്ട് തുടങ്ങി. ത്രിക്കരിപ്പൂര് ടൌണ് പള്ളിയില് സജ്ജമാക്കിയ പ്രത്യേക പ്രാര്ത്ഥനകള്ക്ക് നൂറുകണക്കിനാളുകളാണ് ത്രിക്കരിപ്പൂരില് നിന്നും പരിസര പഞ്ചായത്തുകളില് നിന്നുമായി എത്തപ്പെടുന്നത്. ഖുര്ആനിന്റെ മാസ്മരികമായ ഈണങ്ങള് ശ്രവണ സുന്ദരമാക്കാന് ടൌണ് പള്ളിയില് പുതിയ സൌണ്ട് സിസ്റ്റം സ്ഥാപിച്ചു. വിശ്വാസികളുടെ കര്ണ്ണങ്ങളുടെ കുളിര്മ്മയുടെ മഴ പെയ്യിച്ച് അവരെ സ്രഷ്ടാവിന്റെ കീര്ത്തനങ്ങള് സസൂക്ഷമം കേട്ടിരിക്കാന് പാകത്തിലുള്ളതാണ് പുതിയ ശബ്ദ സംവിധാനം. രണ്ട് ഹാഫിളുമാരുടെ നേതൃത്വത്തില് നടക്കുന്ന രാത്രികാല നമസ്കാരങ്ങളില് ഖുര്ആന് വചനങ്ങള് പുത്തന് അനുഭൂതിയായി മാറിയിരിക്കുകയാണ് ഈ പുതിയ ശബ്ദ സംവിധാനത്തിലൂടെയെന്ന് വിശ്വാസികളില് പലരും പറയുന്നു. രാത്രി പന്ത്രണ് മണി മുതല് പുലര്ച്ച നാല് മണി വരെയാണ് രാത്രികാല നിസ്കാരങ്ങള്. ടൌണിലും പരിസരത്തുമുള്ള ഒരു കൂട്ടം യുവാക്കളുടെ പരിശ്രമ ഫലമായിട്ടാണ് ഈ പുതിയ സംവിധാനം ഇവിടെ നടപ്പിലായിട്ടുള്ളത്.
Subscribe to:
Post Comments (Atom)
No comments:
Post a Comment