എസ്‌ എസ്‌ കെ എസ്‌ എസ്‌ എഫ്‌ വിമോചന യാത്രയോടനുബന്ധിച്ച്‌ സമസ്‌ത കേരള സുന്നീ ബാലവേദി പ്രവര്‍ത്തകര്‍ തൃക്കരിപ്പൂര്‍ ടൌണില്‍ നടത്തിയ വിളംബര യാത്ര
തൃക്കരിപ്പൂര്‍: ആത്മീയ ചൂഷണത്തിനെതിരെ ജിഹാദ്‌ എന്ന പ്രമേയവുമായി എസ്‌ കെ എസ്‌ എസ്‌ എഫ്‌ സംസ്ഥാന കമ്മറ്റിയുടെ ആഭിമുഖ്യത്തില്‍ എസ്‌ വൈ എസ്‌ സംസ്ഥാന സെക്രട്ടറി അബ്ദുല്‍ ഹമീദ്‌ ഫൈസി അമ്പലക്കടവ്‌ നയിക്കുന്ന വിമോചന യാത്രയ്ക്ക്‌ ഊഷ്മള സ്വീകരണം നല്‍കുമെന്ന് സംഘാടകര്‍ വാര്‍ത്താ സമ്മേലനത്തില്‍ അറിയിച്ചു. ബുധനാഴ്ച മംഗലാപുരത്ത്‌ നി്ന്ന് ആരംഭിച്ച്‌ തിരുവനന്തപുരത്ത്‌ അവസാനിക്കുന്ന വിമോചന ജാഥയുടെ ജില്ലാ തല സമാപനമാണ് വ്യാഴാഴ്ച തൃക്കരിപ്പൂരില്‍ നടക്കുന്നത്‌. നിരവധി വാഹനങ്ങളുടെ അകമ്പടിയോടുകൂടി കാലിക്കടവില്‍ നിന്നും സ്വീകരിച്ച്‌ തങ്കയം ജംഗ്ഷനില്‍ നിന്നും പണ്ഡിതരുടെയും വിദ്യാര്‍ഥികളുടെയും നേതൃത്വത്തില്‍ ജാഥാ നായകനെ തുറന്ന വാഹനത്തില്‍ സ്വീകരണ വേദിയിലേക്ക്‌ ആനയിക്കും. സ്വാഗത സംഘം ചെയര്‍മാന്‍ ടി കെ പൂക്കോയതങ്ങളുടെ അധ്യക്ഷതയില്‍ തൃക്കരിപ്പൂര്‍ റെയിഞ്ച്‌ ജം ഇയ്യത്തുല്‍ മുല്ലിമീന്‍ പ്രസിഡന്റ്‌ മാണിയൂര്‍ അഹമദ്‌ മൌലവി ഉദ്ഘാടനം നിര്‍വഹിക്കും. വിമോചന യാത്ര സ്പെഷ്യല്‍ സപ്ലിമെന്റ് ഗ്രാമ പഞ്ചായത്ത്‌ പ്രസിഡണ്റ്റ്‌ എ ജി സി ബഷീര്‍ റഷീദ്‌ ഹാജിക്ക്‌ നല്‍കി പ്രകാശനം ചെയ്യും. തുടര്‍ന്ന്‌ സലാഹുദ്ദീന്‍ ഫൈസി വല്ലപുഴ, ഇസ്മയില്‍ സഖാഫി തൊട്ടുമുക്കം, ഹസ്സന്‍ സഖാഫി, നാസര്‍ ഫൈസി കൂടത്തായ്‌, ഓണം പള്ളി മുഹമ്മദ്‌ ഫൈസി എന്നിവര്‍ വിവിധ വിഷയങ്ങളെ കുറിച്ച്‌ സംസാരിക്കും. കെ ടി അബ്ദുല്ല മൌലവി, കെ കെ ദാരിമി, ഉമര്‍ ബാഖവി, റസാക്ക്‌ ദാരിമി അറക്കല്‍, അബ്ദുല്ല ബാരി ബാഖവി, കെ സി ഉസ്താദ്‌, കെ ടി അബ്ദുള്ള ഫൈസി, ഡി സി സി ജനറല്‍ സെക്ര'രി അഡ്വ: കെ കെ രാജേന്ദ്രന്‍,സോഷ്യലിസ്റ്റ്‌ ജനത ജില്ലാ സെക്രട്ടറി ടി വി ബാലകൃഷ്ണന്‍, സി പി എം നേതാവ്‌ ടി വി കുഞ്ഞികൃഷ്ണന്‍ ആശംസാ പ്രസംഗം നടത്തും. പത്രസമ്മേളനത്തില്‍ ടി കെ സി ഖാദര്‍ ഹാജി, എം ടി പി ഇസ്മയില്‍, ബഷീര്‍ ഫൈസി, ഹാരിസ്‌ അഹ്സനി, ഇസ്മയില്‍ ചന്തേര, ടി എം മുജീബ്‌ റഹ്മാന്‍, സത്താര്‍ ചന്തേര, സി ഹംസ, എം എ നാസര്‍ സംബന്ധിച്ചു.
എസ്‌ എസ്‌ കെ എസ്‌ എസ്‌ എഫ്‌ വിമോചന യാത്രയോടനുബന്ധിച്ച്‌ സമസ്‌ത കേരള സുന്നീ ബാലവേദി പ്രവര്‍ത്തകര്‍ തൃക്കരിപ്പൂര്‍ ടൌണില്‍ നടത്തിയ വിളംബര യാത്ര
No comments:
Post a Comment