തൃക്കരിപ്പൂര്‍: നവ സാധ്യതകള്‍ ഉപയോഗപ്പെടുത്തി പ്രബോധന രംഗത്ത്‌
മുന്നേറാന്‍ മുതഅല്ലിമുകള്‍ സജ്ജരാവണമെന്ന്‌ സമസ്ത കേന്ദ്ര മുശാവറ അംഗം എം എ
ഖാസിം മുസ്്ലിയാര്‍ പറഞ്ഞു. തൃക്കരിപ്പൂറ്‍ മുനവ്വിറുല്‍ ഇസ്്ലാം റബ്ബാനി
അറബിക് കോളജില്‍ നടക്കുന്ന ഉത്തരമലബാര്‍ അറബിക് കോളജ്
ഫെസ്റ്റിനോടനുബന്ധിച്ച്‌ നടന്ന മുതഅല്ലിം സംഗമം ഉദ്ഘാടനം ചെയ്തു
സംസാരിക്കുകയായിരുന്നു അദ്ദേഹം.
പട്ടിക്കാട് ജാമിയ നൂരിയ അറബിക്
കോളജിന്റെ സുവര്‍ണ ജൂബിലിയുടെ ഭാഗമായി കേരളത്തില്‍ രണ്ടിടങ്ങളിലായി
നടക്കുന്ന മേഖലാ അറബിക് കോളജ് ഫെസ്റ്റുകളില്‍ ഉത്തരമേഖലാ മത്സരങ്ങള്‍ ഇന്നലെയും ഇന്നുമായി തൃക്കരിപ്പൂര്‍ മുനവ്വിറുല്‍ ഇസ്ലാം റബ്ബാനിയാ ശരീഅത്ത്
കോളജില്‍ നടക്കുന്നു.
കേരളത്തിലെ അഞ്ചു ജില്ലകളിലെ 19
കോളജുകളില്‍ നിന്നും കര്‍ണാടകയിലെ 2 കോളജുകളില്‍ നിന്നുമായി 200 പണ്ഡിത
വിദ്യാര്‍ഥികള്‍ പങ്കെടുക്കും. അഞ്ചു വേദികളിലായി 39 ഇനങ്ങളില്‍ മത്സരം
നടക്കും. സീനിയര്‍ വിഭാഗം മത്സരങ്ങള്‍ മലപ്പുറത്ത് നടക്കും.
സമസ്ത ജംഇയ്യത്തുല്‍ മുഅല്ലിമീന്‍ ഖജാഞ്ചി
കെ ടി അബ്ദുല്ല മൌലവി അധ്യക്ഷതവഹിച്ചു. സയ്യിദ്‌ ഉമര്‍ കോയ തങ്ങള്‍
പ്രാര്‍ത്ഥന നടത്തി. ഇസ്മായില്‍ ബാഖവി വിഷയാവതരണം നടത്തി. ഖമറുദ്ദീന്‍
ഫൈസി, സി ടി അബ്ദുല്‍ഖാദര്‍, ഒ ടി അഹമ്മദ്‌ ഹാജി, അഷറഫ്‌ മുന്‍ഷി, എം എ സി
കുഞ്ഞബ്ദുല്ല ഹാജി, താജുദ്ദീന്‍ ദാരിമി, എം എം അഷറഫ്‌ മാസ്റ്റര്‍,
ഇസ്മായില്‍ കക്കുന്നം സംസാരിച്ചു. രാവിലെ സംഘാടക സമിതി ഖജാഞ്ചി ടി കെ സി
അബ്ദുല്‍ ഖാദര്‍ ഹാജി പതാക ഉയര്‍ത്തി. മാണിയൂര്‍ അഹമദ്‌ മുസ്ള്യാര്‍,
സയ്യിദ്‌ ഉമര്‍ കോയ തങ്ങള്‍, ടി കെ ജലീല്‍ ഹാജി, എന്‍ എം മജീദ്‌
നേതൃത്വംനല്‍കി. ഇന്ന്‌ ഏഴ്‌ വേദികളിലായി വിവിധ കലാമല്‍സരങ്ങള്‍ അരങ്ങേറും.
വൈകീട്ട്‌ സമാപിക്കും.
No comments:
Post a Comment