ഡിസംബര്‍ 7വെള്ളിയാഴ്ച "ദീനീ ദഅ്‌വത്തിനൊരു കൈത്താങ്ങ്"
ജില്ലയിലെ മുഴുവന്‍ പള്ളികളിലും ഫണ്ട് ശേഖരണം
ഡിസംബര്‍ 9 സാമൂഹ്യ സാംസ്‌കാരിക രാഷ്ട്രീയ മേഖലയിലെ പ്രമുഖ വ്യക്തിത്വങ്ങളെ
പങ്കെടുപ്പിച്ച് കൊണ്ട് ജില്ലാ സെമിനാര്‍
കാസര്‍കോട് :
സമസ്ത കേരള സുന്നി യുവജന സംഘം അറുപതാം വാര്‍ഷിക മഹാ സമ്മേളനം 2012 ഡിസംബര്‍
19 മുതല്‍ 2014 ഏപ്രില്‍ വരെ ഒന്നര വര്‍ഷം നീളുന്ന വിവിധ കര്‍മ്മ
പദ്ധതികള്‍ ആവിഷ്‌ക്കരിച്ചിരിക്കുന്നു. യൂണിറ്റ് തലം മുതല്‍ സംഘടനാ
ശാക്തീകരണ പ്രവര്‍ത്തനങ്ങള്‍ ഊര്‍ജിതപ്പെടുന്നതിന്റെ ഭാഗമായി ഡിസംബര്‍ 7-ാം
തീയ്യതി വെള്ളിയാഴ്ച ദീനീ ദഅ്‌വത്തിനൊരു കൈത്താങ്ങ് നല്‍കിക്കൊണ്ട്
ജില്ലയിലെ മുഴുവന്‍ പള്ളികളിലും ഫണ്ട് ശേഖരണം നടത്താനും ഡിസംബര്‍ 9-ാം
തീയ്യതി സാമൂഹ്യ സാംസ്‌കാരിക രാഷ്ട്രീയ മേഖലയിലെ പ്രമുഖ വ്യക്തിത്വങ്ങളെ
പങ്കെടുപ്പിച്ച് കൊണ്ട് കാഞ്ഞങ്ങാട് വ്യാപാരഭവന്‍ ഓഡിറ്റോറിയത്തില്‍
സംഘടിപ്പിക്കുന്ന ജില്ലാ സെമിനാര്‍ വിജയിപ്പിക്കാനും ഡിസംബര്‍ 19-ാം
തീയ്യതി തിരുവനന്തപുരത്ത് വെച്ച് നടക്കുന്ന 60-ാം വാര്‍ഷിക പ്രഖ്യാപന
സമ്മേളനം അവിസ്മരണീയമാക്കുവാനും ശാഖാതലങ്ങളില്‍ നിന്നും 50-ല്‍ കുറയാത്ത
പ്രവര്‍ത്തകരെ പങ്കെടുപ്പിക്കാന്‍ മണ്ഡലം പഞ്ചായത്ത് ഭാരവാഹികള്‍
സജ്ജരാവണമെന്നും ജില്ലാ കമ്മിറ്റി ഭാരവാഹികളായ എം.എ.ഖാസിം മുസ്ല്യാര്‍,
അബ്ബാസ് ഫൈസി പുത്തിഗെ, മെട്രോ മുഹമ്മദ് ഹാജി, പൂക്കോയ തങ്ങള്‍ ചന്തേര,
കെ.കെ.അബ്ദുല്ല ഹാജി, എസ്.പി സലാഹുദ്ദീന്‍, ഹാദി തങ്ങള്‍, കണ്ണൂര്‍
അബ്ദുല്ല മാസ്റ്റര്‍, എന്‍.പി. അബ്ദുല്‍ റഹ്മാന്‍ മാസ്റ്റര്‍, താജുദ്ദീന്‍
ചെമ്പരിക്ക, മൊയ്തു മൗലവി, എന്നിവര്‍ അറിയിച്ചു.
No comments:
Post a Comment