കാസര്‍കോട് :
വിശുദ്ധിയിലൂടെ, സംഘബോധത്തിലേക്ക് എന്ന പ്രമേയവുമായി എസ്.കെ.എസ്.എസ്.എഫ്.
ഒക്‌ടോബര്‍ 13ന് പയ്യന്നൂര് വെച്ച് സംഘടിപ്പിക്കുന്ന ഉത്തരമേഖല
ജാഗരണസമ്മേളനത്തിന്റെ പ്രചരണത്തിന്റെ ഭാഗമായി കാസര്‍കോട് ജില്ലയിലെ എല്ലാ
മേഖലകളിലും ജാഗരണസംഗമങ്ങള്‍ സംഘടിപ്പിക്കാന്‍ എസ്.കെ.എസ്.എസ്.എഫ്.
ജില്ലാസെക്രട്ടറിയേറ്റ് യോഗം തീരുമാനിച്ചു. പയ്യന്നൂര് നടക്കുന്ന
സമ്മേളനത്തില്‍ ശാഖ-ക്ലസ്റ്റര്‍-മേഖല പ്രസിഡണ്ട്, ജനറല്‍ സെക്രട്ടറി,
ട്രഷറര്‍, ജില്ലാ കൗണ്‍സിലര്‍മാര്‍ തുടങ്ങിയവര്‍ സംബന്ധിക്കണമെന്ന് ജില്ല
കമ്മിറ്റി അറിയിച്ചു.ജില്ലാ പ്രസിഡണ്ട് ഇബ്രാഹിം ഫൈസി ജെഡിയാര്‍
അധ്യക്ഷതവഹിച്ചു. ജനറല്‍ സെക്രട്ടറി റഷീദ് ബെളിഞ്ചം സ്വാഗതം പറഞ്ഞു.
ഹാരിസ് ദാരിമി ബെദിര,എം.എ.ഖലീല്‍, ഹാഷിം ദാരിമി ദേലമ്പാടി, മുഹമ്മദ് ഫൈസി
കജ, ഹബീബ് ദാരിമി പെരുമ്പട്ട, കെ.എം. ശറഫുദ്ദീന്‍, തുടങ്ങിയവര്‍
സംബന്ധിച്ചു.
No comments:
Post a Comment