തൃക്കരിപ്പൂര്: 2011 ഡിസംബര് 23,24,25,26 തീയ്യതികളില് മലപ്പുറം ജില്ലയിലെ കൂരിയാട് വരയ്ക്കല് മുല്ലക്കോയ തങ്ങള് നഗറില് വെച്ച് നടക്കുന്ന സമസ്ത 85-ാം വാര്ഷിക മഹാസമ്മേളനത്തിന്റെ സംസ്ഥാനതല പ്രചരണോദ്ഘാടനം ഒക്ടോബര് 2 ന് ഞായറാഴ്ച വൈകുന്നേരം 4 മണിക്ക് കാസര്കോട് പുതിയ ബസ്സ് സ്റ്റാന്റിന് സമീപത്തുളള ശഹീദേമില്ലത്ത് സി.എം. ഉസ്താദ് നഗറില് വെച്ച് വിപുലമായ പരിപാടികളോടെ നടക്കും. സംസ്ഥാനതല പ്രചരണോദ്ഘാടനത്തിന്റെ ഭാഗമായി ജില്ലാതല വാഹനപ്രചരണജാഥ സെപ്റ്റംബര് 29 ന് വ്യാഴാഴ്ച രാവിലെ 10 മണിക്ക് തൃക്കരിപ്പൂര് - ബീരിച്ചേരി മഖാം സിയാറത്തോടുകൂടി ആരംഭിച്ച് മേല്പറമ്പില് സമാപിക്കും. 30 ന് വെള്ളിയാഴ്ച തളങ്കര മാലിക്ദീനാര് മഖാം സിയാറത്തോടുകൂടി ആരംഭിച്ച് ബങ്കരമഞ്ചേശ്വരയില് സമാപിക്കും. ഒക്ടോബര് 1 ന് സീതാംഗോളിയില് നിന്നാരംഭിച്ച് ചെര്ക്കളയില് സമാപിക്കും. വാഹനജാഥയെ അതാത് മേഖലാ പരിധിയില് എസ്.കെ.എസ്.എസ്.എഫ് മേഖല ഭാരവാഹികളും എസ്.വൈ.എസ്. മണ്ഡലം ഭാരവാഹികളും അനുഗമിക്കും. ജില്ലാപ്രചരണകമ്മിറ്റിയോഗത്തില് ചെയര്മാന് കണ്ണൂര് അബ്ദുല്ല മാസ്റ്റര് അധ്യക്ഷത വഹിച്ചു. കണ്വീനര് റഷീദ് ബെളിഞ്ചം, ഹാരീസ് ദാരിമി ബെദിര, മൊയ്തു ചെര്ക്കള, എ.എ.സിറാജുദ്ദീന് ഖാസിലൈന് തുടങ്ങിയവര് ചര്ച്ചയില് സംബന്ധിച്ചു.
No comments:
Post a Comment