പര്ദ്ദയ്ക്കെതിരായ എം.എല്.എയുടെ പരാമര്ശം: എസ്.വൈ.എസ് സ്പീക്കര്ക്ക് പരാതി നല്കും

കുമ്പള: പര്ദ്ദധരിക്കുന്നതിനെ കുറിച്ച് സി.പി.എം എം.എല്.എ കെ കെ ശൈലജ ടീച്ചര് നടത്തിയ പരാമര്�ശത്തിനെതിരേസ്പീക്കര്ക്ക് പരാതി നല്കാന് എസ്.വൈ.എസ്.കുമ്പള ടൗണ് കമ്മിറ്റി തീരുമാനിച്ചു. പൊടിക്കാറ്റില് നിന്ന് രക്ഷപ്പെടാനാണ് സ്ത്രീകള് പര്ദ്ദ ധരിക്കുന്നതെന്നും ഇതിനെ ആധുനികതയുടെ ഭാഗമായി കാണാനാകില്ലെന്നുമാണ് ശൈലജ ടീച്ചര് വാര്ത്താസമ്മേളനത്തില് പറഞ്ഞത്. എം.എല്.എയുടെ തരംതാണ പ്രസ്താവന ഇസ്ലാമിനെക്കുറിച്ചുള്ള അറിവില്ലായ്മയുടെ ഉദാഹരണമാണെന്നും കമ്മിറ്റി അഭിപ്രായപ്പെട്ടു. എം.എല്.എ ഒരു പ്രത്യേക വിഭാഗം സ്ത്രീകളെ അപമാനിച്ചത് സത്യപ്രതിജ്ഞാ ലംഘനമാണ്. ഇതുസംബന്ധിച്ച് മുഖ്യമന്ത്രി,പ്രതിപക്ഷനേതാവ്, മുസ്ലിംലീഗ് നിയമസഭ പാര്ട്ടി ലീഡര് എന്നിവര്ക്കും പരാതിനല്കാന് യോഗം തീരുമാനിച്ചു.
കണ്ണൂര് അബ്ദുല്ല അധ്യക്ഷതവഹിച്ചു. വി പി അബൂബക്കര്, കെ പി ഹംസ, പി വി സുബൈര് നിസാമി, കെ എസ് ഇബ്രാഹിം, ശംസുദ്ദീന് വളവില്,അബൂബക്കര് സാലൂദ് നിസാമി, സി എം കെ അലി, കെ എം ഹുസൈന്, അബ്ബാസ് സംസാരിച്ചു.